సింగార మూరితివి చిత్తజు

సింగార మూరితివి చిత్తజు గురుడవు చక్కగా జూచేరు మిము సాసముఖా

పూవుల తెప్పల మీద పొలతులు నీవు నెక్కి పూవులు ఆకసము మోప పూచిచల్లుచు
దేవ దుందుభులు మ్రోయ దేవతలు కొలువగా సావధానమగు నీకు సాసముఖా

అంగరంగ వైభవాల అమరకామినులాడ నింగి నుండి దేవతలు నినుజూడగా
సంగీత తాలవాద్య చతురతలు మెరయ సంగడి దేలేటి నీకు సాసముఖా

పరగ కోనేటి లోన పసిడి మేడ నుండి అరిది ఇందిరయు నీవు ఆరగించి
గరిమ శ్రీవేంకటేశ కన్నుల పండువ కాగ సరవినోలాడు సాసముఖా