నవరసములదీ నలినాక్షి

నవరసములదీ నలినాక్షి జవకట్టి నీకు జవి సేసీని

శృంగార రసము చెలియ మొకంబున సంగతి వీరరసము గోళ్ల
రంగగు కరుణరసము పెదవులను అంగపు గుచముల నద్భుత రసము

చెలి హాస్యరసము చెలవుల నిండీ పలుచని నడుమున భయరసము
కలికి వాడు గన్నుల భీభత్సము అలబొమ జంకెనల నదె రౌద్రంబు

రతి మరపుల శాంత రసంబదే అతి మోహము పదియవరసము
ఇత్వుగ శ్రీవేంకటేశ కూడితివి సతమై యీపెకు సంతోస రసము