హరి నీవే సర్వాత్మకుడవు యిరవగు భావన

హరి నీవే సర్వాత్మకుడవు యిరవగు భావన యియ్యగదే

చూడక మానవు చూచేటి కన్నులు యెడ నేవైనా యితరములు
నీడల నింతా నీ రూపము లని యీడు వాడని తెలివియ్య గదే

పారక మానదు పాపపు మనసిది ఈ రసములతో నేన్దైనా
నీర జాక్ష యిది నీ మయమేయని ఈ రీతుల తలపియ్య గదే

కలుగక మానవు కాయపు సుఖములు యిల లోపల గల వెన్నైనా
అలరిన శ్రీ వెంకటాధిప నీకే ఎలా నర్పితమను యేహ మియ్య గదే

దేహి నిత్యుడు దేహములనిత్యాలు యీహల

దేహి నిత్యుడు దేహము లనిత్యాలు యీహల నా మనసాయిది మరవకుమీ

గుది బాతచీర మాని కొత్త చీర గట్టి నట్టు ముదిమేను మాని దేహి మొగి గొత్త మేను మోచు
అదన జంపగలేవు ఆయుధము లీతని గదిసి యగ్నియు నీరు గాలియు జంపగ లేవు

యీతడు నరకపడ డీత డగ్నిగాలడు యీతడు నీట మునుగ డీతడు గాలి బోడు
చేతనుడై సర్వగతున్దౌ చెలియించడేమిటను యీతల ననాది ఈత దిరావు గదలడు

చేరి కాన రాని వాడు చింతించరాని వాడు భారపువి కారాల బాసిన వాడీ యాత్మ
అరయ శ్రీ వెంకటేశు నాధీన మీతడని సారము దేలియుటే సత్యం జ్ఞానము

మరి ఎందూ గతి లేదు మనుప నీవే దిక్కు జరసి

మరి యందు గతి లేదు మనుప నీవే దిక్కు జరసి లక్ష్మి శ నీ శరణమే దిక్కు

భావ సాగరంబులో బడి మునిగిన నాకు తివిరి నీ నామమనుతెపాయే దిక్కు
చివికి కర్మంబు నేడీ చిచ్చు చొచ్చిన నాకు జవళి నాచార్యు కృప జలధియే దిక్కు

ఘన మోహపాశముల గాలి బోయ్యేది నాకు కొనల నీ పాద చింత కొమ్మయే దిక్కు
కవలి మనసనెదియాకనమున నున్న నాకు కనుగొనగ నీదాస్య గరుడడే దిక్కు

మరిగి సంసారమనెడి మంటి కిందటి నాకు ధర భక్తి యను బిలద్వారమే దిక్కు
యిరవైన శ్రీ వేంకటేశ ఇన్నిటా నాకు నరుదైన నీవంతరాత్మవే దిక్కు

నారాయణ నీ నామ మేగతి ఇక కోర్కెలు నాకు

నారాయణ నీనామ మేగతి ఇక కోర్కెలు నాకు కొనసాగుటకు

పైపై ముందట భావ జలధి దాపు వెనక చింతాజలధి
చాపలము నడుమ సంసారజలధి తేపయేది ఇది తెగ నీదుటకు

పండే నెడమ పాపపు రాశి అండ గుడిని పుణ్యపు రాశి
కొండను నడుమ త్రిగుణ రాశి నిండ కుడుచుటకు నిలుకడ ఏది

కింది లోకములు కీడు నరకములు అందేటి స్వర్గాలవె మీద
చెంది యంతరాత్మ శ్రీ వేంకటేశ నీ యందె పరమపద మవల మరేది

నార్రాయణ నీ నామ మేగతి ఇక కోర్కెలు నాకు కొనసాగుటకు

శరణువేడెద యజ్ఞసంభవ శ్రీరామ అరసి

శరణువేడెద యజ్ఞసంభవ శ్రీరామ అరసి రక్షించుము అయోధ్యారామ

రావణుని భజించిన రాఘవ రామ వావిరి విభీషణ వరద శ్రీరామ
సేవనలమేల్మంగతో వేంకటేశుడై ఈవల దాసుల ఏలినట్టి శ్రీరామ

ధారుణిలో దశరధ తనయ రామ చేరిన యహల్యను రక్షించిన రామ
వారిధి బందన కపి వల్లభ రామ తారక బ్రహ్మ మైన సీతాపతి రామ

ఆదిత్య కులాంబుధి మృగాంక రామ హర కోదండ భంజనము చేకొనిన
వేద శాస్త్ర పురాణాది వినుత రామ ఆది గొన్న తాటకా సంహార రామ

విజాతులన్నియు వృధా వృధా అజామిళాదుల

విజాతులన్నియు వృధా వృధా అజామిళాదుల కదియేజాతి

జాతి భేదములు శరీర గుణములు జాతి శరీరము సరి తోడనే చెడు
ఆతుమ పరిశుద్ధంబెప్పుడును అది నిర్దోషంబనాది
ఈతల హరి విజ్ఞానపు దాస్యం ఇదియొక్క టేపో

హరి ఇందరిలో నంత రాత్ముడిదే
ధరణి జాతి భేదము లెంచిన
పరమ యోగులీ భావ మష్టమదము భావ వికారమని మానిరి
ధరణి లోన పరతత్త్వ జ్ఞానము ధర్మ మూలమే సుజాతి

లౌకిక వైదిక లంపటులకు నివి
కైకొను నవశ్య కర్తవ్యంబులు
శ్రీ కాంతుడు శ్రీ వేంకటపతి సేసిన సంపాదన మిందరికి
మేకొని ఇన్నియు మీరిన వారికి మీ నామమే సుజాతి

రాముడు రాఘవుడు రవికులుడితడు భూమిజ

రాముడే రాఘవుడు రవికులుడితడు భూమిజకు పతియైన పురుష నిధానము

అరయ పుత్రకామేష్టి యందు పరమాన్నమున పరగ జనించిన పరబ్రహ్మము
సురల రక్షింపగా అసురుల సిక్షిమ్పగా తిరమై వుదయించిన దివ్యతేజము

చింతించు యోగీంద్రుల చిత్తసరోజములలో సంతతము నిలిచిన సాకారము
వింతలుగా మునులెల్ల వెదకిన యట్టి కాంతుల చెన్ను మీరిన కైవల్య పదము

వేద వేదాన్తములందు విజ్ఞాన శాస్త్రము లందు పాదుకొని బలికేటి పరమార్ధము
పొదితో శ్రీవెంకటాద్రి పొంచి విజయనగరాన ఆదికనాదియైన అర్చావతారము

మరచితిమంటే మరి లేదు తరితో దలచవో దైవము

మరచితి మంటే మరిలేదు తరితో దలచవో దైవము మనసా

పుట్టుచునున్నది పోవుచునున్నది పట్టపు జీవుల ప్రపంచకము
నట్టనడుమనే హరినామము గుట్టున దలచవో కొనగొని మనసా

పొద్దు వొడుచునదె పొద్దు గుంకునదె తిద్దిన జగముల దినదినము
అద్దపు నీడల అంతర్యామిని వొద్దనే తలచవో ఒనరగ మనసా

లోపల వెలుపల లోగోని వున్నది శ్రీపతి మహిమల సృష్టి యిదే
యేపున శ్రీ వేంకటేశ్వరు డితడే దాపని నమ్ముచు దలచవో మనసా

గరుడాద్రి వేదాద్రి కలిమి ఈపె సిరులోసగీ చూడరో

గరుడాద్రి వేదాద్రి కలిమి ఈపె సిరులోసగీ చూడరో చింతామణి ఈపె

పాల జలధి పుట్టిన పద్మాలయ ఈపె లాలిత శ్రీ నారసింహ లక్ష్మి ఈపె
మేలిమి లోక మాతయై మించిన మగువ ఈపె ఈలీలా లోకములేలే ఇందిరా ఈపె

ఘన సంపద లొసగు కమలాకాంత ఈపె మనసిజుగనిన రామాపతి ఈపె
అనిశము పాయని మహా హరిప్రియ ఈపె ధన ధాన్య రూపపు శ్రీ తరుణీ ఈపె

రచ్చల వెలసినట్టి రమావనిత ఈపె మచ్చికగల అలమేల్మంగ ఈపె
ఇచ్చట వెంకటాద్రి నీ అహోబలము నందు నిచ్చలూ తావుకొనిన నిధానము ఈపె

తే శరణం తే శరణ మహం శైశవకృష్ణ తే శరణం గతోస్మి

తే శరణం తే శరణ మ హం శైశవకృష్ణ తే శరణం గతోస్మి

దశవిధావతార ధర్మరక్షణ మూర్తి దశమస్తకాసురదశన
దశదిశాపరిపూర్ణ తపనీయస్వరూప దశావరణ లోక తత్త్వాతీత

సహస్రలోచన సంతతవినుత సహస్రముఖ శేషశయనా
సహస్రకరకోటి సంపూర్ణ తేజా సహస్రాదిత్య దివ్యచక్రాయుధా

అనంత చరణ సర్వాధారాధేయ అనంతకరదివ్యయుధా
అనంతనిజకళ్యాణగుణార్ణవ అనంత శ్రీవెంకటాద్రినివాసా

జ్ఞానయజ్ఞమీగతి మోక్షసాధనము నానార్ధములు

జ్ఞానయజ్ఞమీగతి మోక్ష సాధనము నానార్ధములు నిన్నే నడపె మా గురుడు

అలరి దేహమనేటి యాగశాల లోన బలువై యజ్ఞానపుపశువు బంధించి
కలసి వైరాగ్యపు కత్తుల గోసి కోసి వెలయు జ్ఞానాగ్నిలో వేలిచే మా గురుడు

మొక్కుచు వైష్ణవులనేముని సభ గూడ పెట్టి చొక్కుచు శ్రీ పాదతీర్ధసోమపానము నించి
చక్కగా సంకీర్తనసామగానము చేసి యిక్కువ తో యజ్ఞము సేయించేబో మా గురుడు

తదియ్యగురు ప్రసాదపు పురోడాశామిచ్చి కొదదీర ద్వయమను కుండలంబులు వెట్టి
యెదలో శ్రీ వెంకటేశు నిటు ప్రత్యక్షముచేసే యిదివో స్వరూప దీక్షయిచ్చెను మా గురుడు

మనుజుడై పుట్టి మనుజుని సేవించి అనుదినమును

మనుజుడై పుట్టి మనుజుని సేవించి అనుదినమును దుఖమన్దనేలా

జుట్టెడు గడుపుకై చొరనిచోట్లు చొచ్చి పట్టెడు గూటికై బతిమాలి
పుట్టిన చోటికే పొరలి మనసు పెట్టి వట్టి లంపటము వదలనేరడు గాన

అందరిలో బుట్టి అందరిలో బెరిగి అందరి రూపము లటుదానై
అందమైన శ్రీ వెంకటాద్రీషు సేవించి అందరాని పదమందే నటుగాన

జయలక్ష్మి వరలక్ష్మి సంగ్రామ వీరలక్ష్మి

జయ లక్ష్మి వరలక్ష్మి సంగ్రామ వీరలక్ష్మి ప్రియురాలివై హరికి బెరసితివమ్మా

పాలజలధిలోని పసనైన మీగడ మేలిమితామర లోని మించువాసన
నీలవర్ణునురము పై నిండిన నిధానమవై ఏలేవు లోకములు మమ్మేలవమ్మా

చందురుతోడ బుట్టిన సంపదల త్మేరుగావో కందువ బ్రాహ్మలగాచే కల్పవల్లి
అందిన గోవిన్దునికిన్ అండనే తొదూ నీడవై వుందానవు మా ఇంటనే వుండవమ్మా

పదియారు వన్నెలతో బంగారు పతిమ చెదరని వేదముల చిగురు బోడి
ఎదుటా శ్రీవేంకటేశుఁనిల్లాలివై నీవు నిదుల నిలిచే తల్లి నీ వారమమ్మా

శరణంటి మాటని సమ్మంధమున జేసి మరిగించి

శరణంటి మాటని సమ్మంధమున జేసి మరిగించి మము నేలి మన్నించవే

సకల వేదములు సంకీర్తనలు చేసి ప్రకటించి నిను బాడి పావనుడైన
అకలంకుడు తాళ్ళపాకన్నమాచార్యుల వెకలియై ఏలిన శ్రీ వేంకటనిలయ

నారదాది సనక సనందాదుల వలె పేరు పడి నిన్ను బాడి పెద్దలై నట్టి
ఆరీతి దాళ్ళపాకన్నమాచార్యుల చేరి ఏలిన యట్టి శ్రీ వేంకటనిలయ

సామ వేద సామగాన సప్త స్వరములను బాముతో నీ సతి నిన్ను బాడిన యట్టి
ఆము కొన్న తాళ్ళ పాకన్నమా చార్యుల వేమరు మెచ్చిన శ్రీ వెంకట నిలయా

గురు తెరిగిన దొంగ కూగూగు వీడే గురి లోనే

గురు తెరిగిన దొంగ కూగూగు వీడే గురి లోనే దాగీనీ కూగూగు

నెలతల దోచీనీ నీళ్ళాడగానే కొలని దరినీ దొంగ కూగూగు
బలువైన పుట్ల పాలారగించీనీ కొలది మీరిన దొంగ కూగూగు

చల్లలమ్మగా చను కట్టు దొడకీని గొల్లెతలను దొంగ కూగూగు
యిల్లిల్లు దప్పక ఇందరి పాలిండ్లు కొల్లలాడిన దొంగ కూగూగు

తావుకొన్న దొంగ దగిలి పట్టుడిదె గోవులలో దొంగ కూగూగు
శ్రీ వేంకటగిరి చేలువుడో ఏమో కోవిదుడగు దొంగ కూగూగు

జగడపు జనవుల జాజర సగివల మంచపు జాజర

జగడపు జనవుల జాజర సగివల మంచపు జాజర

మొల్లలు దురుముల ముడిచిన బరువున మొల్లపు సరసపు మురిపెమున
జల్లన బుప్పొడి జాగర బతిపై చల్లేరతివలు జాజర

భారపు కుచముల పైపై గడు సింగారము నెరపేటి గందవొడి
చేరువ పతిపై చిందగ బడతులు సారెకు జల్లేరు జాజర

బింకపు గూటమి పెనగెటి చమటల పంకపు బూతుల పరిమళము
వేంకటపతి పై వెలదులు నించేరు సంకుమదంబుల జాజర

వేడుకొందామా వెంకటగిరి వేంకటేశ్వరుని

వేడుకొందామా వెంకటగిరి వేంకటేశ్వరుని

ఆమటి మ్రొక్కుల వాడేఆది దేవుడే వాడు తోమని పళ్యాలవాడే దురిత దూరుడే

వడ్డీ కాసులవాడే వనజనాభుడే పుట్టు గొడ్డు రాన్డ్రకు బిడ్డ లిచ్చే గోవిందుడే

ఎలిమి గోరిన వరాలిచ్చే దేవుడే వాడు అలమేల్మంగా శ్రీ వేంకటాద్రి నాధుడే

నమో నారాయణాయ నమో నారాయణాయ

నమో నారాయణాయ నమో నారాయణాయ
నారాయణాయ సగునబ్రహ్మనే సర్వ పారాయణాయ శోభన మూర్తయే నమో

నిత్యాయ విబుధ సంస్తుత్యాయ నిత్యాధి పత్యాయ మునిగణ ప్రత్యయాయ
సత్యాయ ప్రత్యక్షాయ సన్మానససాంగత్యాయ జగదావనక్రుత్యాయతే నమో

ఆక్రమోద్ధత బాహు విక్రమాతిక్రాంత శుక్ర శిష్యో న్ముఓలనక్రమాయ
శక్రాదిగీర్వాన వక్రభయభంగని ర్వక్రాయ నిహతారిచక్రాయ తే నమో

అక్షరాయాటి నిరపెక్షాయ పుండరీకాక్షాయ శ్రీ వత్సలక్షనాయ
అక్షీన విజ్ఞాన దక్ష యోగీన్ద్రసం రక్షానుకంపాకటాక్షాయతే నమో

కరిరాజ వరదాయ కౌస్తుభాభరనాయ మురవైరినే జగన్మోహనాయ
తరునేందు కోటిరతరునీ మనస్త్తోత్ర పరితోషచిట్టాయపరమాయతే నమో

పాత్రదానోత్సవ ప్రధిత వెంకటరాయ ధాత్రీశ కామితార్ధ ప్రదాయ
గోత్రభిన్మని రుచిర గాత్రాయ రవిచంద్ర నేత్రాయ శేషాద్రి నిలయాయతే నమో

బండి విరచి పిన్న పాపలతో నాది దుండగీడు

బండి విరచి పిన్న పాపలతో నాడి దుండగీడు వచ్చే దోబూచి

వెరుగు వెన్నలు బ్రియమునవే మరు ముచ్చి లించు మాయ కాదు
వేరవున్నా దన విధము దాచుకొని దొరదొంగ వచ్చే దోబూచి

పడచు గుబ్బెత పరపుపై పోక ముడి గొంగు నిద్రముంపునను
పడియు దా వద్ద బవలించినట్టి తడుకు దొంగ వచ్చే దోబూచి

గోల్లెపల్లె లో ఇల్లిల్లూ చొచ్చి కొల్లెలాడిన కోడెకాడు
ఎల్లయినా వేంకటేశుడు ఇదే తొల్లిటి దొంగ వచ్చే దోబూచి

నటనల భ్రమయకు నా మనసా ఘటియించు

నటనల భ్రమయకు నా మనసా ఘటియించు హరియే కలవాడు

ముంచిన జగమిది మోహినీ గజము పొంచిన యాస పుట్టించేది
వంచనల నిజము వలనే వుండును మంచులు మాయలె మరునాడు

సరి సంసారము సంతల కూటమి సొరిది బజారము చూపేది
గరిమ నెప్పుడు గలకల మనుచుండును మరులగు విధమే మాపటికి

కందువ దేహముగాని ముదియదిది రూప మాడేదిది
ఎందును శ్రీవేంకటేశ్వరుండును డిందు పడగనిదే తెరమరుగు

ఇతడొకడే సర్వేశ్వరుడు సిత కమలాక్షుడు

ఇతడొకడే సర్వేశ్వరుడు సిత కమలాక్షుడు శ్రీ వేంకటేశుడు

పరమ యోగులకు భావ నిధానము అరయ నింద్రాదుల కైశ్వర్యము
గరిమ గొల్లెతల కౌగిట సౌఖ్యము సిరులోసగేటి శ్రీ వేంకటేశుడు

కలికి యశోదకు కన్నా మాణికము తలచిన కరికిని తగు దిక్కు
అల ద్రౌపదికిని ఆపద్బంధుడు చలరేగిన శ్రీ వేంకటేశుడు

తగిలిన మునులకు తపము సత్ఫలము ముగురు వేల్పులకు మూలమీతడే
వొగిసల మేల్మంగ కొసరిన పతియితడు జిగిమించిన ఈసర్వేశుడు

తందనాన ఆహి తందనాన పురే తందనాన భళా

తందనాన ఆహి తందనాన పురే తందనాన భళా తందనాన

బ్రహ్మమొకటే పరబ్రహ్మమోకటే పరబ్రహ్మ మొకటే పరబ్రహ్మమోకటే

కందువగు హీనాధికము లిందు లేవు అందరికి శ్రీహరే అంతరాత్మా
ఇందులో జనుకులమింతా నొకటే అందరికి శ్రీహరే అంతరాత్మ

నిండార రాజు నిద్రించు నిద్రయు నొకటే అండనే బంటు నిద్ర అదియు నొకటే
మెండైన బ్రాహ్మణుడు మెట్టు భూమి యొకటే చండాలుడుండేటి సరి భూమి యొకటే

అనుగు దేవతలకును అలకామ సుఖమోకటే ఘన కీట పశువులకు కామ సుఖమోకటే
దిన మహోరాత్రములు తెగి ధనాడ్యున కొకటే వొనర నిరుపేదకును వొక్కటే అవియు

కొరలి శిష్టాన్నములు గొను నాకలోకటే తిరుగు దుష్టాన్నములు తిను నాకలోకటే
పరగ దుర్గంధములపై వాయువోకటే వరుస బరిమళముపై వాయు వొకటే

కడగి ఏనుగు మీద గాయు ఎండోకటే పుడమి శునకము మీద బొలయు నేన్దోకటే
కడు బుణ్యులను బాప కర్ములను సరిగావ జడియు శ్రీ వెంకటేశ్వర నామ మొకటే

పురుషోత్తముడ వీవు పురుషాధముడ నేను

పురుషోత్తముడ వీవు పురుషాధముడ నేను ధరలోన నా యందు మంచి తానమేది

అనంతాపరాధములు అటు నేము సేసేవి అనంతమైన దయ అది నీది
నిను నేరగకుందేటి నీచగుణము నాది నను నెడయకున్దేటి గుణము నీది

సకల యాచకమే సరుసనాకు పని సకల రక్షకత్వము సరి నీ పని
ప్రకటించి నిన్ను దూరేపలుకే నాకేప్పుడూను వెకలి వైనను గాచే విధము నీది

నేరమింతయు నాది నేరు పింతయు నీది సారెకు అజ్ఞాని నేను జ్ఞానివి నీవు
ఈరీతి వేంకటేశ ఇట్టేనను నేలితివి ధారుణిలో నిండెను ప్రతాపము నీది

మరి ఎందూ గతి లేదు మనుప నీవే దిక్కు జరసి

మరి యందు గతి లేదు మనుప నీవే దిక్కు జరసి లక్ష్మిశ నీ శరణమే దిక్కు

జయ జయ నృసింహ సర్వేశ భయహర వీర

జయ జయ నృసింహ సర్వేశ భయ హర వీర ప్రహ్లాద వరద

మిహిర శశినయన మృగనరవేష బహిరంతస్థల పరిపూర్ణ
ఆహి నాయక సింహాసన రాజిత బహుళ గుణ గణ ప్రహ్లాద వరద

చటుల పరాక్రమ సమ ఘన విరహిత నిటుల నేత్ర మౌని ప్రణుత
కుటిల దైత్య తతి కుక్షి విదారణ పటు వజ్ర నఖ ప్రహ్లాద వరద

శ్రీ వనితా సంశ్రిత వామాంక భావజ కోటి ప్రతిమాన
శ్రీ వేంకటగిరి శిఖర నివాస పావన చరిత ప్రహ్లాద వరద

మర్ద మర్ద మామ బంధాని దుర్దాంత మహా

మర్ద మర్ద మామ బంధాని దుర్దాంత మహా దురితాని

చక్రాయుధ రవిశత తేజోంచిత సక్రోధ సహస్ర ప్రముఖ
విక్రమక్రమా విశ్ఫు లింగకన నక్ర హరణ హరి నవ్యకరాంక

కలిత సుదర్శన కటిన విదారణ కులిశ కోటి భావ ఘోషణా
ప్రలయా నల సంభ్రమ విభ్రమ కర రలిత దైత గళ రక్త వికీరణా

హిత కర శ్రీ వేంకటేశ ప్రయుక్త సతత పరాక్రమ జయంకర
చతురోహంతే శరణం గతోస్మి ఇతరాన్ విభజ్య ఇహ మాం రక్షా

శరణు శరణు సురేంద్ర సన్నుత శరణు

శరణు శరణు సురేంద్ర సన్నుత శరణు శ్రీసతి వల్లభ
శరణు రాక్షస గర్వ సంహర శరణు వేంకట నాయక

కమల ధరుడును కమల మిత్రుడు కమల శత్రుడు పుత్రుడు
క్రమముతో మీ కొలువు కిప్పుడు కాచినారేచ్చరికయా

అనిమిషేంద్రులు మునులు దిక్పతులు అమర కిన్నర సిద్ధులు
ఘనతతో రంభాది కాంతలు కాచినారేచరికయా

ఎన్నగల ప్రహ్లాద ముఖ్యులు నిన్ను కొలువగా వచ్చిరి
విన్నపము వినవయ్య తిరుపతి వేంకటాచల నాయక

నానాటి బతుకు నాటకము కానక కన్నది కైవల్యము

నానాటి బతుకు నాటకము కానక కన్నది కైవల్యము

పుట్టుటయు నిజము పోవుటయు నిజము నట్టనడిమి పని నాటకము
ఎట్టనెదుట గలదీ ప్రపంచము కట్టకడపటిది కైవల్యము

కుదిచేదన్నాము కొకచుట్టేడిది నడమంత్రపు పని నాటకము
వోడిగట్టు కొనిన వుభయ కర్మములు గడిదాటినపుడే కైవల్యము

తెగదు పాపము తీరదు పుణ్యము నగి నగి కాలము నాటకము
ఎగువనే శ్రీ వేంకటేశ్వరుడేలిక గగనము మీదిది కైవల్యము

జయ జయ రామ సమర విజయరామ భవహర

జయ జయ రామ సమర విజయరామ భవహర నిజభక్తి పారీనరామ

జలధి బందించిన సౌమిత్రిరామా సెలవిల్లు విరచిన సీతారామ
అల సుగ్రీవు నేలిన అయోధ్య రామ కలిగి యజ్ఞము గాచే కౌసల్య రామ

అరి రావనాన్తక ఆదిత్య కుల రామ గురు మౌనులను గాచే కోదండ రామ
ధర నహల్య పాలిటి దశరధ రామ హరురాని నుతుల లోకాభిరామ

అతి ప్రతాపముల మాయామృగాంతక రామ నుత కుశలవ ప్రియ సుగుణ రామ
వితత మహిమల శ్రీ వేంకటాద్రి రామ మతి లోన బాయని మనువంశ రామ

భావములోనా బాహ్యమునందును గోవింద

భావములోన బాహ్యమునందున గోవింద గోవింద యని కొలువవో మనసా

హరియవతారములే అఖిల దేవతలు హరిలోనివే బ్రహ్మాండములు

హరినామములే అన్ని మంత్రములు హరి హరి హరి హరి హరి యనవో మనసా
విష్ణుని మహిమలే విహిత కర్మములు విష్ణుని పొగడెడి వేదంబులు

విష్ణుడొక్కడే విశ్వాంతరాత్ముడు విష్ణువు విష్ణువని వెదకవో మనసా
అచ్యుతుడితడే ఆదియు నంత్యము అచ్యుతుడే అసురాంతకుడు

అచ్యుతుడు శ్రీవేంకటాద్రి మీద నిదె అచ్యుత అచ్యుత శరణనవో మనసా

నారాయణతే నమో నమో

నారాయణతే నమో నమో నారద సన్నుత నమో నమో

మురహర భవహర ముకుంద మాధవ గరుడగమన పంకజనాభ
పరమ పురుష భవబంధ విమోచన నరమృగ శరీర నమో నమో

జలధి శయన రవిచంద్ర విలోచన జలరుహ భవనుత చరణయుగ
బలిబంధన గోప వధూ వల్లభ నలినోదరతే నమో నమో

ఆదిదేవ సకలాగమ పూజిత యాదవకుల మోహన రూప
వేదోద్చార వేదోద్దర శ్రీ వేంకటనాయక నాద ప్రియతే నమో నమో

డోలాయాం చాల డోలాయాం హరే డోలాయాం

డోలాయాం చాల డోలాయాం హరే డోలాయాం

మీనా కూర్మ వరాహ మృగపతి అవతార దానవారే గుణ శౌరే ధరణీధర మరుజనక

వామన రామ రామ వరకృష్ణ అవతార శ్యామలాంగా రంగ రంగ సామజ వరద మురహరణ

దారుణ బుద్ధ కలికి దశవిధ అవతార శీరపానే గోసమాణే శ్రీవేంకటగిరి కూటనిలయా

శ్రీమన్నారాయణ శ్రీమన్నారాయణ

శ్రీమన్నారాయణ శ్రీమన్నారాయణ శ్రీమన్నారాయణ నీ శ్రీ పాదమే శరణు

కమలా sati ముఖకమల కమలహిత కమలప్రియ కమలేక్షణ
కమలాసనహిత గరుడగమన శ్రీ కమలనాభ నీ పదకమలమే శరణు

పరమ యోగిజన భాగధేయ శ్రీ పరమ పూరుష పరాత్పర
పరమాత్మ పరమాణు రూప శ్రీ తిరువేంకటగిరి దేవ శరణు

నల్లని మేని నగవు చూపుల వాడు

నల్లని మేని నగవు చూపుల వాడు తెల్లని కన్నుల దేవుడు

బిరుసైన దనుజుల పించమనచినట్టి తిరుపు కైదువ తోడి దేవుడు
సరిపడ్డ జగమెల్ల చక్కచ్చాయకు దెచ్చి తెరవు చూపినట్టి దేవుడు

నీత గలసినట్టి నిండిన చదువులు తేట పరచినట్టి దేవుడు
పాటి మాలి నట్టి ప్రాణుల దురితపు తీట రాసినట్టి దేవుడు

గురుతు వేట్టగారాని గుణముల నెలకొన్న తిరువేంకటాద్రిపై దేవుడు
తిరముగ ధ్రువునికి దివ్యపదంబిచ్చి తెరచి రాజన్నట్టి దేవుడు

అన్ని మంత్రములు నిండే యావహించెను

అన్ని మంత్రములు నిందే యావహించెను వెన్నతో నాకు గలిగే వెంకటేశు మంత్రము

నారదుడు జపియించే నారాయణ మంత్రము చేరే ప్రహ్లాదుడు నారసింహ మంత్రము
కోరి విభీషణుడు చేకొనే రామ మంత్రము వేరే నాకు గలిగే వెంకటేశు మంత్రము

రంగగు వాసుదేవ మంత్రము ద్రువుండు జపించే సంగవించే కృష్ణ మంత్రము అర్జునుడును
ముంగిట విష్ణు మంత్రము మొగి శుకుడు పటియించే వింగడమై నాకు నబ్బె వెంకటేశు మంత్రము

ఇన్ని మంత్రముల కెల్ల ఇందిరానాదుడే గురి పన్నిన దిదియే పరబ్రహ్మ మంత్రము
నన్ను గావ గలిగేబో నాకు గురుడియ్యగాను వెన్నెల వంటిది శ్రీ వెంకటేశు మంత్రము

జయ మంగళము నీకు సర్వేశ్వర

జయ మంగళము నీకు సర్వేశ్వర జయ మంగళము నీకు జలజవాసినికి

శరణాగత పారిజాతమా పొరి నసురలపాలి భూతమా
అరుదైన సృష్టికి నాది మూలమావో హరి నమో పరమపుటాల వాలామా

సకల దేవతా చక్రవర్తి వెకలి పై నిండిన విశ్వముర్తి
అకలన్కమైన దయానిధి వికచముఖ నమో విధికి విధి

కొలిచిన వారల కొంగు పైడి ములిగిన వారికి మొనవాడి
కలిగిన శ్రీ వెంకటరాయా మలసి దాసుల మైన మాకు విధేయా

ఉయ్యాల ఊపులు ఓ ముద్దులయ్య

ఉయ్యాల ఊపులు ఓ ముద్దులయ్య వెయ్యారు గోపికలు వేడుక నూచెదరు

భోగింద్రతల్పుడా భువన విఖ్యాతా గోగోప రక్షకా కువలయాధీశా
ఆగమ సన్నుతా అచ్యుతానందా యోగనిద్ర పోవయ్యా యోగింద్రవంద్యా

దేసలందు వెలిగేటి దేవర్షివరులు ప్రసరించి బంగారు భవనంబు లోన
కొసరక నిద్రించు గోగిందాయనుచు పసమీర పాడెదరు పన్నగ శయనా

సన్నుతించెదరయ్య సద్భాగవతులు పన్నుగ శ్రీ భూమి వనితలు చేరి
ఉన్నతి పదములను వత్తెదరు నిద్రించు వెన్నుడా ప్రసన్న వెంకటరమణా

ఈతడే రఘురాము దీతదేకాంగ వీరుడు ఈతడు

ఈతడే రఘురాముదీతదేకాంగ వీరుడు ఈతడు చేసిన చేత లెన్ని యైనా కలవు

ఖరదూశానాడులను ఖండ తుండముల సేసే అరుదుగా వాలి నొక్క యమ్మున నేసె
సరవి కొండల చేత సముద్రము బంధించే ఇరవై విభీశానునికిచ్చే లంకా రాజ్యము

కూడపెట్టె వానరుల కుమ్భాకర్నాదిడైత్యుల తోడనే రావణు జంపె దురము గెల్చే
వేడుకతో సీత దేవి కూడెను పుష్పకమేక్కే ఈడు జోడై సింహాసన మేలే నయోధ్యలోన

పుడమి యంతయు గాచే పొందుగా తనంత లేసి కొడుకుల గాంచెను కుశలవుల
యెడయక శ్రీవేంకటేశుడై వరము లిచ్చే అడరి తారక బ్రహ్మమై ఇదే వెలసె

అపరాధిని నే నైనాను కృపగలవారికి

అపరాధిని నే నైనాను కృపగలవారికి గపటము లేదు

సనాతనా అచ్యుత సర్వేశ్వరా అనాదికారణ అనంతా
జనార్దనా అచల సకల లోకేశ్వరా నిను మరచి యున్నాడ నను దేలువవయా

పురాణ పురుషా పురుషోత్తమా చరాచరాత్మక జగదీశ
పరాత్పరా హరి బ్రహ్మండనాయకా ఇరవు నీవేయట ఎరిగించగవే

దేవోత్తమా శశి దినకరనయనా పావన చరితా పరమాత్మా
శ్రీ వేంకటేశ జీవాంతరంగా సేవకుడను బుద్ధి చెప్పగవలయు

ఉదయాద్రి తెలుపాయె నుండు రాజు కొలువీడే

ఉదయాద్రి తెలుపాయె నుండు రాజు కోలు వీడే అడ నెరిగి రాదాయే నమ్మ నా విభుడు

చన్నులపై ముత్యాల సరు లెల్ల జల్లనాయే కన్నులకు గప్పొదవె గాంత నాకిపుడు
కనె కలువల జాతి కను మొడ్చినది మీద వెన్నెల వేసంగి మొగ్గ వికసించే గదవే

పువ్వుల లోపలి కురులు బుగులు కొనగా నేరసే దవ్వుల దుమ్మెదగములు తరమి డాయగను
రవ్వ సేయ శుక పికము రాయడి కోర్వగా రాదు అవ్వల నెవ్వతె పసల కలరున్న వాడో

పన్నీట జలక మార్చి పచ్చ కప్రము మేతి చెన్ను గంగొప్పున విరులు చెరువందురిమి
ఎన్నంగల తిరువేంకటేశుం డిదె ననుంగూడి కన్నుల మనసునుందనియం గరుణించెం గదవే

ఇహ పర సాధన మీ తలపు సహజ జ్ఞానికి

ఇహ పర సాధన మీ తలపు సహజ జ్ఞానికి సత మీ తలపు

సిరులు ముంగితను జిగి దడ బడగా హరిని మరపనిది యది దలపు
సరిగాంత లేదుట సందడి గొనగా తిరమయి భ్రమయనిదే తలపు

వొడలి వయోమదముప్పతిల్లినను అడచి మెలంగుట యది దలపు
కడగుచు సుఖ దుఃఖములు ముంచినను జడియై నామస్మరణమే తలపు

మతి సంసారపు మాయ గప్పినను అతి కాంక్ష జారని దది తలపు
గతియై శ్రీవేంకటపతి గాచిన సతతము నితని శరణమే తలపు

ఎంత కాలమో కదా ఈ దేహ ధారణము చింతా

ఎంత కాలమో కదా ఈ దేహ ధారణము చింతా పరంపరల జిక్కువడవలసె

వడిగొన్న మోహంబువలల దగులై కదా కడ లేని గర్భ నరకము లీదవలసే
నడిమి సుఖముల చేత ననువు సేయగా గదా తొడరి హేయప్ దిద్ది దూరాడవలసె

పాప పున్జముల చే బట్టు వడగా గదా ఆపదల తోడి దేహము మోప వలసె
చూపులకు లోనైన సుఖము గానక కదా దీపన భ్రాంతి చే దిరిగాడవలసే

హితుడైన తిరు వెంకటేశు గొలువక కదా ప్రతిలేని నరక కూపమున బడ వలసె
ఆతని కరుణారసం బబ్బకుండగా గదా బతిమాలి నలుగ డల బారాడ వలసె

అన్ని విభవముల అతడితడు కన్నులు వేవేలు

అన్ని విభవముల అతడితడు కన్నులు వేవేలు గల ఘనుడు

వేదాంత కోటుల విభుడు ఇతడు నాద బ్రహ్మపు నడు మితడు
ఆది యంత్యముల కరుదితడు దేవుడు సరసిజ నాభుడు ఇతడు

భావములనచు యదుపతి ఇతడు భువనము లన్నిటికీ పొడ వితడు
దివికి దివమైన తిరమితడు పవనసుతు నేలిన పతి ఇతడు

గరుడుని మీదటి ఘనుడితడు సిరులందరి కిచ్చే చెలు వితడు
తిరువేంకట నగము దేవు డితడు పరమ పదమునకు ప్రభు వితడు

అమరె గాదె నేడు అన్ని సొబగులును

అమరె గాదె నేడు అన్ని సొబగులును సమరతి చిన్నలు సతి నీ మేన

చెలపల చెమటలు చెక్కిళ్ళ మొలకల నవ్వులు మొక్కిళ్ళ
సొలపుల వేడుక చొక్కిళ్ళ తొలగని యాసలు తొక్కిళ్ళ

నెరవగు చూపులు నిక్కిళ్ళ మెరసెను తమకము మిక్కిళ్ళ
గురుతగు నధరము గుక్కిళ్ళ తరచగు వలపుల దక్కిళ్ళ

ననుగోరి కొనలు నొక్కిళ్ళ పొనుగని తములము పుక్కిళ్ళ
ఘనుడగు శ్రీవేంకటపతి కౌగిట ఎనసెను పంతము వెక్కిళ్ళ

అలుకలు చెల్లవు హరి పురుషోత్తమ

అలుకలు చెల్లవు హరి పురుషోత్తమ నలి నిందిరా నీతో నవ్వినది

ఆదిలక్ష్మి మోహన కమలంబున వేద మాట నిన్ను వేసినది
అదెస నీపై నభయ హస్తమును సాదరముగా గడు జూచినది

సిరి దన కన్నుల చిన్తామనులను పోరి నీపై దిగ బోసినది
వరద హస్తమున వలచెయి పట్టుక అరుదుగా నిను మాటాడించినది

జలధి కన్య తన సర్వాంగంబుల బిలిచి నిన్ను నిటు పెనగినది
అలముక శ్రీవేంకటాధిప నిను రతి నెలమి నీ వురంబెక్కినది

ఎక్కువ కులజుడైన హీన కులజుడైన

ఎక్కువ కులజుడైన హీన కులజుడైన నిక్క మెరిగిన మహా నిత్యుడే ఘనుడు

వేదములు చదివియు విముఖుడై హరి భక్తి యాదరించలేని సోమయాజికంటె
ఏదియును లేని కుల హీనుడైనను విష్ణు పాదములు సేవించు భక్తుడే ఘనుడు

పరమమగు వేదాంత పఠన దొరికియు సదా హరి భక్తి లేని సన్యాసి కంటే
సరవి మాలిన యంత్య జాతి కులజుడైన నరసి విష్ణు వెదుకు నాతడే ఘనుడు

వినియు జదివియును శ్రీవిభుని దాసుడు గాక తనువు వేపుచునుండు తపసి కంటే
ఎనలేని తిరువేంకటేశు ప్రసాదాన్న మనుభవించిన యాతడప్పుడే ఘనుడు

అంగన లిరే హారతులు అంగజగురునకు

అంగన లీరె హారతులు అంగజగురునకు నారతులు

శ్రీదేవి తోడుత జెలగుచు నవ్వే ఆదిమ పురుషుని కారతులు
మేదినీ రమణి మేలము లాడేటి ఆదిత్య తేజున కారతులు

సురలకు నమృతము సొరది నొసంగిన హరి కివో పసిడారతులు
తరమిది దుష్టుల దనుజుల నడచిన అరి భయంకరున కారతులు

నిచ్చలు కళ్యాణ నిధియై యేగేటి అచ్యుతునకు నివే యారతులు
చొచ్చి శ్రీ వేంకటేశుడు నలమేల్మంగ యచ్చుగ నిలిచిరి యారతులు

ఎంత మాత్రమున నెవ్వరు దలచిన అంత మాత్రమే నీవు

ఎంత మాత్రమున నెవ్వరు దలచిన అంత మాత్రమే నీవు
అంతరాంతరములెంచి చూడ పిండంతే నిప్పటి యన్నట్లు

కొలుతురు మిము వైష్ణవులు కూరిమితో విష్ణుడని
పలుకుదురు మిము వేదాంతులు పరబ్రహ్మంబనుచు
తలతురు మిము శైవులు తగిన భక్తులను శివుడనుచు
అలరి పొగడుదురు కాపాలికులు ఆది భైరవుడవనుచు

సరి నెన్నుదురు శాక్తేయులు శక్తి రూపు నీ వనుచు
దరిశనములు మిము నానా విధులను తలపుల కొలదుల భజింతురు
సిరుల మిమ్మునే యల్ప బుద్ధి దలచిన వారికి నల్పంబవుదువు
గరిమల మిమ్మునే ఘనమని తలచిన ఘన బుద్ధులకు ఘనుడవు

నీ వలన గోరతే లేదు మరి నీరు కొలది తామెరవు
ఆవల భాగీరధి దరి బావుల ఆజలమే వూరినట్లు
శ్రీ వేంకటపతి నీవైతే మము జేకొని వున్నదైవమని
యీవలనే నీ శరణని ఎదను ఇదియే పరతత్వము నాకు

ఇట్టి ముద్దు లాడి బాలుడేడవాడు వాని

ఇట్టి ముద్దు లాడి బాలుడేడవాడు వాని పట్టి తెచ్చి పొట్ట నిండ పాలు వోయరే

కామిడి పారిదెంచి కాగెడి వెన్న లోన చేమ పూవు కడియాల చేయి పెట్టి
చీమ గుట్టేనానని చక్కిట కన్నీరు జార వేమరు వాపోయె వాని వెడ్డు వెట్టరే

ముచ్చు వలె వచ్చి తన ముంగిట మురువుల చేయి తచ్చెడి పెరుగు లోన తగ వెట్టి
నొచ్చెనని చేయి దీసి నోరి నెల్ల జొల్లు గార వొచ్చెలి వాపోవు వాని నూరడించరే

ఎప్పుడు వచ్చెనో మా ఇల్లు జొచ్చి పెట్టె లోని చెప్పరాని వుంగరాల చేయి పెట్టి
అప్పడైన వేంకటేశుడా సపాలకుడు గాన తప్పకుండ బెట్టె వాని తల కేత్తరే

అలర చంచలమైన ఆత్మలందుండ

అలర చంచలమైన ఆత్మలందుండ నీ యలవాటు చేసే నీ వుయ్యాల
పలుమారు నుచ్చ్వాస పవనమందుండ నీ భవంబు దేలిపే నీ వుయ్యాల

వుదాయాస్తాశైలంబు లోనర కంభములైన వుడు మండలము మోచె నుయ్య్హాల
అదన ఆకాశ పదము అడ్డౌ దూలంబైన అఖిలంబు నిండే నీ వుయ్యాల

పదిలముగా వేదములు బంగారు చేరులై పట్టి వెరపై తోచే వుయ్యాల
వదలకిటు ధర్మ దేవత పీఠమై మిగుల వర్ణింప నరుదాయె వుయ్యాల

మేలు కట్లై మీకు మేఘమండలమెల్ల మెరుగునకు మెరుగాయె వుయ్యాల
నీల శైలము వంటి నీ మేని కాంతికి నిజమైన తోడవాయే వుయ్యాల

పాలిండ్లు కదలగా పయ్యేదలు రాపాడ భామినులు వడినూచు వుయ్యాల
వొలి బ్రహ్మాండములు వోరగువోయని భీతి నొయ్య నొయ్య నైరి వూచిరుయ్యాల

కమలకును భూపతికి కదలు కదలకు మిమ్ము కౌగలిన్పగజేసే నుయ్యాల
అమరాంగనలకు నీ హాస భావ విలాస మందంద చూపే నీ వుయ్యాల

కమలాసనాదులకు కన్నుల పండుగై గణుతింప నరుదాయె వుయ్యాల
కమనీయ మూర్తి వేంకశైలపతి నీకు కడు వేడుకై వుండే వుయ్యాల

అంతర్యామి అలసితి ఇంతట

అంతర్యామి అలసితి ఇంతట నీ శరణిదే జొచ్చితిని
కోరిన కోర్కులు కోయని కట్లు తీరవు నీవవి తెంచక
భారపు బగ్గాలు పాప పుణ్యములు నేరుపుల బోనీవు నీవు వద్దనక
జనుల సంగముల జక్క రోగములు విను విడువవు నీవు విడిపించక
వినయపు దైన్యము విడువని కర్మము చనదది నీ విటు శాంతపరచక
మదిలో చింతలు మైలలు మణుగులు వదలవు నీవవి వద్దనక
ఎదుటనే శ్రీ వెంకటేశ్వర నీ వదె అదనగాచితివి అట్టిట్టనక

ఏముకో చిగురుటధరమున

ఏమొకో చిగురుటధరమున ఎడ నెడ కస్తూరి నిండెను భామిని విభునకు వ్రాసిన పత్రిక కాదు కదా

కలికి చకోరాక్షికి కడ కన్నుల కేంపై తోచిన చెలువంబిప్పుడిదేమో చిన్తెమ్పరే చెలులు
సలుపున ప్రానేస్వరుపై నాటిన యాకోన చూపులు నిలువున పెరుకగ నంటిన నెత్తురు కాదు కదా

పడతికి చనుగవ మెరుగులు పై పై పయ్యెద వెలుపల కడు మించిన విధమేమో కనుగొనరే చెలులు
వుడుగని వేడుకతో ప్రియుడొత్తిన నఖ శశి రేఖలు వెదాలగా వేసవి కాలపు వెన్నెల కాదు కదా

ముద్దియ చెక్కుల కెలకుల ముత్యపు జల్లుల చేర్పుల వొద్దికలాగులివేమో ఊహింపరే chelulu
గద్దరి తిరు వేంకటపతి కౌగిట యధరామ్రుతముల అద్దిన సురతపు చెమటల అందము కాదు కదా

పసిడియక్షింతలివే పట్టరో వేగమే రారారో

పసిడి యక్షింతలివే పట్టరో వేగమే రారారో దెసల పేరంటాండ్లు దేవుని పెండ్ల్కిని

శ్రీ వెంకటేశ్వరునికి శ్రీ మహాలక్ష్మికి దైవికపు పెండ్లి ముహూర్తము నేడు
కావించి భేరులు మ్రోసె గరుడ ధ్వజంబెక్కే దేవతలు రారో దేవుని పెండ్లికిని

కందర్ప జనకునికి కమలాదేవికి పెండ్లి పందిలి లోపల తలంబాలు నేడు
గంధమూ వీడే మిచ్చేరు కలుపడాలు గట్టిరి అందుక మునులు రారో హరి పెండ్లికిని

అదే శ్రీ వేంకటపతికి అలమేలు మంగకును మొదలి తిరుఆల్లకు తిరునాళ్ళకు మ్రొక్కేము నేడు
ఎదుట నేగేరు వీరే ఇచ్చేరు వరము లివె కదలి రారో పురుష ఘనులు పెండ్లికిని

సేవించరో జనులాల చేతులెత్తి మొక్కరో

సేవించరో జనులాల చేతులెత్తి మొక్కరో వావిరి ప్రహ్లాదునికి వరదుడు వీడే

జగన్నాధుడు వీడే సర్వ రక్షకుడు వీడే నిగమ వేద్యుడైన నిత్యుడు వీడే
సుగుణ వంతుడు వీడే సర్వ కాముడు వీడే నగు మొగము సుగ్రీవ నరసింహుడు వీడే

మరు జనకుడు వీడే మహిమాధికుడు వీడే పరగ శ్రీలక్ష్మి పతియు వీడే
సురులకేలిక వీడే శుభ మూరుతి వీడే నరసఖుడు సుగ్రీవనరసిహుడు వీడే

భువనాధిపతి వీడే పురుషోత్తముడు వీడే వివిధ ప్రతాప కోవిదుడు వీడే
ఈవల శ్రీ వేంకటాద్రి నిరవైనతదు వీడే నవమూర్తి సుగ్రీవ నరసింహుడు వీడే

చాలదా బ్రహ్మమిది సంకీర్తనం మీకు జాలెల్ల

చాలదా బ్రహ్మమిది సంకీర్తనం మీకు జాలెల్ల నడగించు సంకీర్తనం

సంతోష కరమైన సంకీర్తనం సంతాప మణగించు సంకీర్తనం
జంతువుల రక్షించు సంకీర్తనం సంతతము దలచుడీ సంకీర్తనం

సామజము గాంచినది సంకీర్తనం సామమున కెక్కుడీ సంకీర్తనం
సామీప్య మిందరికి సంకీర్తనం సామాన్య మా విష్ణు సంకీర్తనం

జాము బారి విడిపించు సంకీర్తనం సమ బుద్ధి వొడ మించు సంకీర్తనం
జమళి సౌఖ్యము లిచ్చు సంకీర్తనం శమదమాదుల జేయు సంకీర్తనం

జలజాసనుని నోరి సంకీర్తనం చలిగొండ సుతదలచు సంకీర్తనం
చలవ గడు నాలుక కు సకీర్తనం చలపట్టి తలచుడీ సంకీర్తనం

సరవి సంపద లిచ్చు సంకీర్తనం సరి లేని దిదియ పో సంకీర్తనం
సరుస వేంకట విభుని సంకీర్తనం సరుసగను దలచుడీ సంకీర్తనం

కొలువై వున్నాడు వేదే గోవింద రాజు

కొలువై వున్నాడు వీడే గోవింద రాజు కొలకోల నేగి వచ్చే గోవింద రాజు

గొడుగుల నీడల గోవింద రాజు గుడి గొన్న పడగల గోవింద రాజు
కుడి ఎడమ కాంతల గోవింద రాజు కొడి సాగే పవుజుల గోవింద రాజు

గొప్ప గొప్ప పూదండల గోవింద రాజు గుప్పేటి వింజామరల గోవింద రాజు
కొప్పు పై చుంగుల తోడి గోవింద రాజు కుప్పి కటారము తోడి గోవింద రాజు

గొరబుసింగరాల గోవింద రాజు కురులు దువ్వించుకొని గోవింద రాజు
తిరుపతి లోనను తిరమై శ్రీ వెంకటాద్రి గురిసీ వరము లెల్ల గోవింద రాజు

కొలిచిన వారల కొంగు పైడితడు పైదితాడు బలిమి తారక

కొలిచిన వారల కొంగు పైడితడు బలిమి తారక బ్రహ్మమీతడు

ఇన వంశాంబుధి నెగసిన తేజము ఘన యజ్ఞంబుల గల ఫలము
మనుజ రూపమున మనియెడి బ్రహ్మము నినువుల రఘుకుల నిధాన మీతడు

పరమాన్నము లోపలి సారపుజవి పరగినది విజుల భయ హరము
మరిగిన సీతా మంగళ సూత్రము ధరలో రామావతారంబితడు

చకిత దానవుల సంహారచక్రము సకల వనచరుల జయకరము
వికసితమగు శ్రీ వేంకట నిలయము ప్రకటిత దశరధ భాగ్యంబితడు

కంటి నఖిలాండ తతి కర్త నధికుని గంటి

కంటి నఖిలాండ తతి కర్త నధికుని గంటి కంటి నఘములు వీడు కొంటి నిజ మూర్తి గంటి

మహనీయ ఘన ఫనామనుల శైలము గంటి బహు విభవముల మంటపములు గంటి
సహజ నవరత్న కాంచన వేదికలు గంటి రహి వహించిన గోపురములవె గంటి

పావనంబైన పాపవినాశము గంటి కైవశంబగు గగన గంగ గంటి
దైవికపు పుణ్య తీర్ధము లెల్ల బొడగంటి కోవిదులు గొనియాడు కోనేరి గంటి

పరమ యోగింద్రులకు భావ గోచరమైన సరి లేని పాదాంబుజముల గంటి
తిరమైనగిరి చూపు దివ్య హస్తము గంటి తిరు వేంకటాచలాధిపు జూడగంటి

కొండలలో నెలకొన్న కోనేటి రాయుడు వాడు

కొండలలో నెలకొన్న కోనేటి రాయుడు వాడు కొండలంత వరములు గుప్పెడు వాడు

కుమ్మర దాసుడైన కురువరతి నంబి ఇమ్మన్న వారము లెల్ల నిచ్చిన వాడు
దొమ్ములు సేసినయట్టి తొండమాం చక్కురవర్తి రమ్మన్న చోటికి వచ్చి నమ్మిన వాడు

అచ్చపు వేడుక తోడ ననంతాలువారికి ముచ్చిలి వెర్రికి మన్ను మోచిన వాడు
మచ్చిక దొలక దిరుమల నంబి తోడుత నిచ్చ నిచ్చ మాట లాడి నొచ్చిన వాడు

కంచి లోన నుండ దిరు కచ్చి నంబి మీద కరుణించి తన యెడకు రప్పించిన వాడు
ఎంచి ఎక్కుడైన వేంకటేశుడు మనలకు మంచి వాడి కరుణ బాలించిన వాడు

ఫాల నేత్రానల ప్రబల విద్యుల్లతా

ఫాల నేత్రానల ప్రబల విద్యుల్లతా కేళి విహార లక్ష్మీ నారసింహా

ప్రళయ మారుత ఘొర భస్త్రీకా పూత్కార లలిత నిశ్వాస డోల రచనయా
కూలశైల కుమ్భినీ కుముదహిత రవిగగన చలన విధినిపుణ నిశ్చల నారసింహా

వివరఘనవదన దుర్విధహసన నిష్ట్యుత లవదివ్య పరుష లాలాఘటనయా
వివిధ జంతు వ్రాతభువన మగ్నౌకరణ నవనవ ప్రియ గుణార్ణవ నారసింహా

దారునోజ్వల ధగధగిత దంష్ట్రనలవి కారష్పులింగా సంగక్రీడయా
వైరి దానవ ఘోర వంశ భస్మీ కరణ కారణ ప్రకట వెంకట నారసింహా

కదిరి నృసింహుడు కంభమున వెడలె

కదిరి నృసింహుడు కంభమున వెడలె విదితముగా సేవించరో మునులు

ఫాలలోచనము భయ ద్రోగముఖము జ్వాల మయ కేసరములను
కాల రౌద్ర సంఘటిత దంతములు హేలాగతి ధరిఇంచుక నిలిచె

ముడివడు బొమ్మలు ముంచినవూర్పులు గడ గడ నదరెతి కటములను
నిదుదనాలికేయు నిక్కు గర్ణములు నడియాల పురూపైతావేలసే

సకలాయుధములు సహస్ర భుజములు వికటనఖంబులు వెసఁ బూని
వెకలియగుచు శ్రీ వేంకటేశ్వరుడే ప్రకటపు దుష్టుల భజించే నిదివో

ముద్దుగారే యశోద ముంగిట

ముద్దుగారే యశోద ముంగిట ముత్యము వీడు తిద్దరాని మహిమల దేవకీ సుతుడు

అంత నింత గొల్లెతల అరచేతి మాణిక్యము పంత మాడే కంసుని పాలి వజ్రము
కాంతుల మూడు లోకాల గరుడ పచ్చ పూస చెంతల మాలోనున్న చిన్ని కృష్ణుడు

రాతి కేళి రుక్మిణికి రంగు మోవి పగడము మితి గోవర్ధనపు గోమేధికము
సతమై శంఖ చక్రాల సందుల వైడూర్యము గతియై మమ్ము గాచేటి కమలాక్షుడు

కాళింగుని తలలపై కప్పిన పుష్యరాగము ఏలేటి శ్రీవేంకటాద్రి ఇంద్ర నీలము
పాలజల నిధి లోని పాయని దివ్యరత్నము బాలుని వలె తిరిగి పద్మ నాభుడు

చక్రమా హరిచక్రమా

చక్రమా హరిచక్రమా వక్రమైన దనుజుల వక్కలించవో
చుట్టి చుట్టి పాతాళము చొచ్చి హిరణ్యాక్షుని చట్టలు చీరిన వో చక్రమా

పానుకొని దనుజలబలు కిరీటమనుల సానలదీరిన వో చక్రమా
నానా జీవముల ప్రాణములు గాచి ధర్మ మూని నిలుపగదవో వో చక్రమా

వెరచి బ్రహ్మాదులు వేదమంత్రములని పురట్లు గొనియాడే రో చక్రమా
అరిమురి దిరు వెంకతాద్రీషు వీధుల వొరవుల మెరయుదువో వో చక్రమా

మంగాంబుధి హనుమంత నీ శరణు

మంగాంబుధి హనుమంత నీ శరణు మంగవించితిమి హనుమంతా

బాలార్క బింబము ఫలమని పట్టిన అలరిచేతల హనుమంతా
తూలని బ్రహ్మాదులచే వరములు వోలిజెకొనిన వో హనుమంతా

జలధి దాట నీ సత్వము కవులకు నలరి దేలిపితివి హనుమంతా
ఇలయు నాకసము నేకముగా నటు బలిమి బెరిగితివి భళి హునుమంత

పాతాళము లోపలి మై రావణు నాతల జంపిన హనుమంతా
చేతులు మోడ్చుక శ్రీవేంకటపతి నీ తల గొలిచే హిత హనుమంతా