మంగాంబుధి హనుమంత నీ శరణు

మంగాంబుధి హనుమంత నీ శరణు మంగవించితిమి హనుమంతా

బాలార్క బింబము ఫలమని పట్టిన అలరిచేతల హనుమంతా
తూలని బ్రహ్మాదులచే వరములు వోలిజెకొనిన వో హనుమంతా

జలధి దాట నీ సత్వము కవులకు నలరి దేలిపితివి హనుమంతా
ఇలయు నాకసము నేకముగా నటు బలిమి బెరిగితివి భళి హునుమంత

పాతాళము లోపలి మై రావణు నాతల జంపిన హనుమంతా
చేతులు మోడ్చుక శ్రీవేంకటపతి నీ తల గొలిచే హిత హనుమంతా