అంగన లిరే హారతులు అంగజగురునకు

అంగన లీరె హారతులు అంగజగురునకు నారతులు

శ్రీదేవి తోడుత జెలగుచు నవ్వే ఆదిమ పురుషుని కారతులు
మేదినీ రమణి మేలము లాడేటి ఆదిత్య తేజున కారతులు

సురలకు నమృతము సొరది నొసంగిన హరి కివో పసిడారతులు
తరమిది దుష్టుల దనుజుల నడచిన అరి భయంకరున కారతులు

నిచ్చలు కళ్యాణ నిధియై యేగేటి అచ్యుతునకు నివే యారతులు
చొచ్చి శ్రీ వేంకటేశుడు నలమేల్మంగ యచ్చుగ నిలిచిరి యారతులు