పసిడియక్షింతలివే పట్టరో వేగమే రారారో

పసిడి యక్షింతలివే పట్టరో వేగమే రారారో దెసల పేరంటాండ్లు దేవుని పెండ్ల్కిని

శ్రీ వెంకటేశ్వరునికి శ్రీ మహాలక్ష్మికి దైవికపు పెండ్లి ముహూర్తము నేడు
కావించి భేరులు మ్రోసె గరుడ ధ్వజంబెక్కే దేవతలు రారో దేవుని పెండ్లికిని

కందర్ప జనకునికి కమలాదేవికి పెండ్లి పందిలి లోపల తలంబాలు నేడు
గంధమూ వీడే మిచ్చేరు కలుపడాలు గట్టిరి అందుక మునులు రారో హరి పెండ్లికిని

అదే శ్రీ వేంకటపతికి అలమేలు మంగకును మొదలి తిరుఆల్లకు తిరునాళ్ళకు మ్రొక్కేము నేడు
ఎదుట నేగేరు వీరే ఇచ్చేరు వరము లివె కదలి రారో పురుష ఘనులు పెండ్లికిని