శరణువేడెద యజ్ఞసంభవ శ్రీరామ అరసి

శరణువేడెద యజ్ఞసంభవ శ్రీరామ అరసి రక్షించుము అయోధ్యారామ

రావణుని భజించిన రాఘవ రామ వావిరి విభీషణ వరద శ్రీరామ
సేవనలమేల్మంగతో వేంకటేశుడై ఈవల దాసుల ఏలినట్టి శ్రీరామ

ధారుణిలో దశరధ తనయ రామ చేరిన యహల్యను రక్షించిన రామ
వారిధి బందన కపి వల్లభ రామ తారక బ్రహ్మ మైన సీతాపతి రామ

ఆదిత్య కులాంబుధి మృగాంక రామ హర కోదండ భంజనము చేకొనిన
వేద శాస్త్ర పురాణాది వినుత రామ ఆది గొన్న తాటకా సంహార రామ