భావములోనా బాహ్యమునందును గోవింద

భావములోన బాహ్యమునందున గోవింద గోవింద యని కొలువవో మనసా

హరియవతారములే అఖిల దేవతలు హరిలోనివే బ్రహ్మాండములు

హరినామములే అన్ని మంత్రములు హరి హరి హరి హరి హరి యనవో మనసా
విష్ణుని మహిమలే విహిత కర్మములు విష్ణుని పొగడెడి వేదంబులు

విష్ణుడొక్కడే విశ్వాంతరాత్ముడు విష్ణువు విష్ణువని వెదకవో మనసా
అచ్యుతుడితడే ఆదియు నంత్యము అచ్యుతుడే అసురాంతకుడు

అచ్యుతుడు శ్రీవేంకటాద్రి మీద నిదె అచ్యుత అచ్యుత శరణనవో మనసా