అమరె గాదె నేడు అన్ని సొబగులును సమరతి చిన్నలు సతి నీ మేన
చెలపల చెమటలు చెక్కిళ్ళ మొలకల నవ్వులు మొక్కిళ్ళ
సొలపుల వేడుక చొక్కిళ్ళ తొలగని యాసలు తొక్కిళ్ళ
నెరవగు చూపులు నిక్కిళ్ళ మెరసెను తమకము మిక్కిళ్ళ
గురుతగు నధరము గుక్కిళ్ళ తరచగు వలపుల దక్కిళ్ళ
ననుగోరి కొనలు నొక్కిళ్ళ పొనుగని తములము పుక్కిళ్ళ
ఘనుడగు శ్రీవేంకటపతి కౌగిట ఎనసెను పంతము వెక్కిళ్ళ
Subscribe to:
Post Comments (Atom)
No comments:
Post a Comment